صحابى جليل ..... من يعرفه ؟

بسم الله الرحمن الرحيم..
أعزائي أعضاء هذا المنتدىالعامر..
أسأل الله للجميع الصحة والعافية .. عموما أنا لدي فكرة وأتمنى إني ألقى تجاوب منكم لأن مردودها مافي شك راح يكون له أكبر الأثر في إثراء معلوماتنا وأي معلومات معلومات راح نؤجر عليها إن شاء الله ..
فكرتي باختصار إنه راح أحط أنا نبذه عن صحابي معين وانتوا عليكم تقولوا من هو واذا عندكم أي إضافات عنه أكون شاكرة وممتنة لكم .. طيب في البداية أبغا أترك لكم حرية الإختيار في إنه اللي يجاوب هو اللي يحط السؤال الثاني –اللي أكيد بيكون عن صحابي آخر- أو أنا أحط كل الأسئلة مع إني أفضل الحل الأول ..
عموما المسابقة هاذي راح تكون من عشرة أسئلة كل واحد منها راح يكون عن صحابة رسول الله عليهم رضوان الله مع ملاحظة إنه الأسئلة لازم تكون عن صحابة مو معروفين مرة عشان نسلط الضوء قليلا على بعض مآثر الصحابة اللي يكونوا أحيانا مجهولين عند بعض الناس والسؤال راح تكون إجابته بنقطتين طبعا لمن يجيب أولا والفائز هو اللي يحوز على أكبر عدد من النقاط أكيد وإذا شفنا إنه في ناس حابة تشارك أكثر نعمل منها جزء ثاني وهكذا..
هاذي فكرتي وأتمنى إني ألقى القبول عندكم لأنه والله هدفها سامي وراح نؤجر عليها إن شاء الله لأنه كل ما دخلنا أو كتبنا راح نذكر الرسول علية أفضل الصلاة والسلام وندعي لصحابته رضوان الله عليهم ..
أنا منتظرة ردودكم واقتراح الأسلوب الأمثل لبداية ها السباق الخير بإذن الله..
تحياتي للجميع